Камбағаллик ва қашшоқликдан қутулиш учун «шунчалик нимадир қилиш» ёки «қаердадир ишлаш»нинг ўзи камлик қилади. Аксинча, бу йўл камбағалликка итаради. Бой бўлиш учун эса қуйидаги қоидаларга риоя қилиш зарур.

1. Ҳар бир муаммо қисқа вақтда ҳал этилиши лозим, шунда бу муаммони ечиш учун кам ғайрат талаб қилинади. Қатъиятли бўлинг! Камроқ ўйланиб, кўпроқ ишланг!
2. Бошқа одамга камроқ ишлаш керак. Қанчалик кўп бўйсунсангиз, шунчалик камбағал бўласиз. Ёқимли иш билан шуғулланишни иш деб бўлмайди. Иш бу мажбурий жараёндир.
3. Агар пулингиз бўлишини хоҳласангиз, бозорга бирорта қимматли буюмни олиб чиқинг, сизга одамлар пул беришади. Катта миқдордаги пулни топиш учун эса бу буюмнинг қимматли томонларига ишонтира олиш керак.
4. Фақат ўз манфаатингиз учун ишланг. Корпоратив маданият ва биргаликда кўтарилиш ҳақидаги шиорларни ҳаёлдан чиқаринг. Сиз ишлаётган корхона сиздан даромад қилмоқда, акс ҳолда бу корхонада ишламас эдингиз.
5. Ойига камида 20 миллион топиш ҳақида ўйланг. Кўпроқ бўлса янада яхши.
6. Пул сизга бошқа одамлардан келади. Кўпроқ суҳбатлашинг. Одамлардан ўзини олиб қочадиганлар одатда бой бўлишолмайди.
7. Атрофингизда камбағаллар бўлса, бу сизни ҳам қашшоқликка тортади. Ўта бой одамларнинг ҳам «қариндошлари, дўстлари ва бошқа тиланчилари» бўлди. Улардан вақтида қутулмасангиз, ўзингиз пулсиз қоласиз. Агар ҳозир камбағал бўлсангиз, атрофингиздаги одамлар ҳам бойларни ёқтирмаса, Ғолиблар ва Оптимистлар билан кўпроқ сўзлашинг. Айнан шундай катта ҳарфлардаги Ғолиблар ва Оптимистлар билан!
8. Масъулиятдан қўрққан одам камбағаллигича қолади.
9. Агар пул кам бўлса, бизнес қилиш керак. Агар пул умуман бўлмаса, бизнесни ҳозирниг ўзида, дарҳол бошлаш зарур. Муаммоларни изланг ва уларни ҳал қилиш йўлларини топинг. Энг муваффақиятли ғояларни бизнес-лойиҳаларга айлантиринг ва инвесторларга таклиф қилинг.
10. Катта бойликка пассив даромад билан эришиш мумкин. Интилиш ва ҳаракатларингиздан қатъи назар тушадиган даромад манбаи лозим. Пассив даромад манбаини топинг ва истаганча ҳаёт кечиринг.
11. Фойдали сармоялашнинг фақат икки йўли мавжуд. Биринчиси – пулни тежанг. Иккинчи қоида – таваккал қилмоқчи бўлсангиз, биринчи қоидага қаранг. Даромад ҳар доим харажатдан кўп бўлиши шарт!
12. Дунёдаги энг бой одамларнинг ҳаётини ва фикрларини ўрганинг.
13. «Мен кимман? Бошқалардан устун томоним нимада? Ҳаётимнинг мазмуни-чи? Пулим чексиз бўлганда нима билан шуғулланардим?» каби саволларга жавоб беринг. Фақат самимий тарзда. Бу саволларга жавобларнинг, ҳаётни англаб етишнинг кучи, энергияси ва эҳтироси оламни ағдар-тўнтар қилишга қодир.
14. Орзулар ҳаётингизнинг энг муҳим томони! Орзу қилинг ва улар амалга ошишига ишонинг. Одам орзу қилмас экан, уни тирик одам дейиш қийин.
15. Одамларга ёрдам беринг. Пул учун эмас, чин қалбдан. Лекин... Фақат ўзингиз хоҳлаган одамларга! Булар, албатта, қариндош ёки танишлар бўлиши шарт эмас.
16. Бировларни мақтанг. Кўчадаги аёлнинг чиройли сочлари учун, йигитнинг бақувватлиги учун, хуллас, изланса, мақташ учун асос керагидан ортиқча топилади. Бу ўзингизга бўлган ишонч ва ҳурматни оширади.
17. Ҳар кунги ютуқларингизни ёзиб боринг. Мағлубият ва хафагарчилик ўн карра кўпроқ эсда қолади. Шунинг учун кайфиятни туширманг. Кайфиятингиз тушганида эса газетамизни ўқинг.
Сўнгги маслаҳатимиз: ҳеч қачон, эшитдингизми, ҳеч қачон курашишдан тўхтаманг, тақдирга тан берманг! Ҳар қандай душман - камбағаллик эса жуда катта душман - билан охиригача курашиш даркор, бунда душманга ҳам, ўзингизга ҳам раҳм-шафқат қилманг!