"БАЁН” ГУРУҲИ УЧУН ЕВРОПАДА ҚЎШИҚ ЁЗИЛАДИ!?

"Нью Старс”  продюсерлик марказининг  илк лойиҳаларидан бир "Баён” гуруҳидан эксклюзив янгилик. Ушбу гуруҳ продюсерининг маълумотларига қараганда, "Баён” гуруҳининг янги қўшиғи ўзбек шоу-бизнеси вакиллари ва ўзбек тингловчилари учун ҳақиқий янгилик бўлиши мумкинлигини таъкидлади.  Катта сир эса ошкор этилди: қўшиқ Европа давлатларининг бирида ёзилади! Янги тарона жуда шўх усулда яратилиб, гуруҳнинг оммага танилишида катта туртки бўлиши эҳтимоли бор. Бир ўйлаб қарасанг, танилиш ва танитишнинг ўзи бўлмаяпти. Тобора мусиқий онги ўсиб бораётган қўшиқ ихлосмандларини эса кун сайин шунчаки ижод билан қойил қолдириш эса асосий муаммога айланяпти. Демак, қимматга тушса тушсин, энг муҳими омма ҳайратга тушиб, олқишласин! Шундай экан, олға, "Баён”!