"Қироллик
клуби" ниҳоят "Барселона"ни мағлубиятга учратди!
Кеча Испаниянинг Валенсия шаҳридаги
"Месталья” ўйингоҳида мамлакат қироли кубоги финал ўйини бўлиб ўтди.
Финалга ҳозирги кундаги Испаниянинг энг кучли икки клуби "Барселона” ва
"Реал” етиб келишган эди. Ўтган ҳафта миллий чемпионатда ўзаро тўқнаш
келган бу икки клуб орадан бир ҳафта ҳам ўтмасдан яна бир-бирларига
қарши тўп суришди.
Ўйин анча асабий ўтди. Биринчи бўлимда ҳар
иккала жамоа худди гол киритиш эмас, балки рақибнинг оёғига тепиш ҳақида
ўйлашар эди. Иккинчи бўлимда "Барселона” ҳужумкорликни оширди, "Реал”
эса ўз навбатида қарши ҳужумларга таяниб тўп сурди. Бироқ 90 дақиқа ҳеч
бир жамоа рақиб дарвозасига тўп кирита олмади. Қўшиб берилган 15
дақиқалик бўлимнинг биринчисида мадридликлар ниятларига етишди. Чап
қанотдан Ди Мариянинг ҳаволатиб "Барселона” жарима майдони ичига оширган
тўпини Роналду боши билан Пинто қўриқлаётган дарвозага киритди 0:1.
Қолган дақиқаларда Пеп Гвардиола шогирдлари ҳар қанча ҳаракат
қилишмасин "Реал” дарвозасини ишғол қила олишмади. Шундай қилиб
"Қироллик клуби” Қирол кубогини қўлга киритди. Клуб бош мураббийи Жозе
Моуриньо эса 4-мамлакатнинг кубогини қўлга киритди. Эслатиб ўтамиз
бунгача Моуриньо Португалия, Англия ва Италияда зафар қучган эди.
Навбатдаги
классико 26 апрель куни (ЕЧЛ ярим финал дастлабки учрашуви) "Сатьяго
Бернабеу” стадионида бўлиб ўтади.
"Барселона” – "Реал” - 0:1
Гол:
Роналду, 103
"Барселона”: Пинто, Дани Алвеш, Пике, Маскерано,
Адриано (Максвелл, 119), Бускетс (Кейта, 108), Хави, Иньеста, Педро,
Вилья (Афеллай, 106), Месси
"Реал”: Касильяс, Арбелоа, Серхио Рамос,
Карвальо (Гарай, 119), Марсело, Пепе, Хедира (Гранеро, 104), Хаби
Алонсо, Ўзил (Адебайор, 70), Ди Мария, Роналду
Огоҳлантиришлар:
Педро, Месси, Адриано - Пепе, Хаби Алонсо, Адебайор, Ди Мария
Четлатиш:
Ди Мария, 120+1
|
