Ойбек ва Нигора дуэти 2005 йилда ташкил топган. Ўша
вақтдан буён не-не сувлар оқиб ўтмади, дейсиз. Қизиқ, беш йил ичида ёш
хонандалар тафаккурида қандай ўзгаришлар рўй берди, шоу-бизнесга улар
қай даражада кўника олдилар?...
– Илк қўшиқларингиз мухлисларга тақдим этилган дамлар ёдингиздами?
Ойбек: Унутиб бўларканми? Радио, телевидениеда қўшиқ ва клипларимиз
намойиш этилиши керак бўлган вақтларни интизорлик билан кутардик.
Қўшиқларимиз маълум сабаб-ларга кўра эфирга узатилмай қолган вақтлар ҳам
бўлган. Нигора: Шундай пайтларда ‘‘Нимага вақтида қўйишмайди?’’
‘‘Нимага бизга бундай муносабатда бўлишади?’’ деган саволлар қалбимизни
қийнарди. – Сочингиз ҳамиша турмак-ланган бўлиши шартми? Н:
Гўзаллик салонига кўпам боравермайман. Сочимни аксарият ҳолларда ўзим
турмаклайман. Қиз бола ҳамиша ўзига қараган, ораста бўлиши керак, деб
ҳисоблайман. О: Сочимни ўзимга ёқадиган қилиб кестирганман. Кўп
ҳолларда шундай юришни афзал кўраман, ҳадеб сартарошхонага боришга
вақтим йўқ. – Кўчада юргани-нгизда қўшиғингизга баҳо беришаётганини
эшитсангиз, ўзингизни қандай тутасиз? О: Бир куни таксига чиқдим.
Шу пайт радио-да қўшиғимиз жаранг-лаб қолди. Таксичи амаки ‘‘Шу ашула
зўр чиқибди-а?’’, деб қолдилар. Ғалати бўлиб кетдим. ‘‘Ҳа’’ дедим зўрға.
Н: Куни кеча жиянларимни айлантириб юрсам, йўлда кетиб бораётган
талаба қизлар мени кўриб, ёнимга келишди ва ‘‘Қўшиқларингиз бизга жуда
ёқади’’, деб мақташди. Бундан, албатта, хурсанд бўлиб кетдим. –
Ўзингиз ҳақингизда эшитган энг хунук миш-миш... Н: Одамлар орасида
‘‘Нигора 70 яшар чолнинг хотинимиш’’ деган гаплар тарқаб кетибди. Бу
ёлғон оиламдагиларнинг қулоғигача етиб борган. Жуда хафа бўлишди.
Ҳалигача ўзимга келолганим йўқ. О: Менда бундай ҳолат кузатилмаган.
– Миш-мишлар машҳурлик-ка етаклашини биласизлар... Н: Ҳозирги
мавқеимизга миш-мишлар туфайли эришмаганмиз. Миш-мишмас, самарали ижод
орқали танилишни хоҳлардик. – Ойбек билан турмуш қуришингиз
мумкинми? Н: Ҳозирча йўқ. – Нигора Ойбекка ишонмас экан, деган
гаплар ростми? Н: Нима?! Ойбек юз фоиз ишончли одам. У ҳеч қачон
сирларимни сотмаган! – Дуэт куйлаш оддий қў-шиққа қараганда
мушкулроқ. Келишмовчиликлар бўлиб турадими? Н: Келишмовчиликлар
кўпроқ саҳнада бўлганимизда рўй беради. Ойбекка қараб ашула айтавераман,
у эса хаёлида маликаси билан куйлаётган бўладими, мен томонга, умуман,
қиё боқмайди. – Ойбек, исмингизнинг маъносини биласизми? О:
Ўзбекча исм... (Исмининг маъносини эслашга ҳарчанд уринмасин, эслай
олмади.) Хуллас, шўх ва яхши бола! Н: (Ойбекка қараб) Билардингиз,
бу ҳақда айтган эдингиз ҳам... – Инсоннинг ташқи қиёфаси бирламчими
ёки қалби?.. О: Қалби! Н: Қалб хунук бўла туриб, ташқи
кўриниш чиройли бўлиши мумкин эмас, менимча. – Пластик операция
қилиб, қиёфангизни ўзгартирамиз дейишса, жавобингиз қандай бўларди?
Н: Бўй беринглар дердим (Кулади). Ҳазил. Тўрт мучам соғ дунёга
келганимга шукур қиламан. Бошқа ҳеч нарса керак эмас. – Нимадан
қўрқасиз? Н: Ёлғизликдан. Кейин... Чувалчанглардан. О:
Ёлғончилардан. – Интернетга қизиқа-сизми? Н: Мейл-агент орқали
мухлисларим билан мулоқотда бўлиб тураман.
