So`nggi paytlarda ketma-ket filmlardan tushayotgan takliflar va xonandalikdagi muvaffaqiyatlaridan unga shunday tashxis qo`yish mumkin. "Nihol” mukofoti sovrindori bo`lishi va davlat tadbirlaridagi chiqishlari Madinaning mehnatlari munosib taqdirlanayotganidan darak beradi. Shuning uchun ham u tinim bilmay ishlayapti. Mustaqillik bayramida uning Samandar bilan duet aytib chiqqanini ko`rdingiz. Toshkent shahrining 2200 yubiliyida ham ular duet kuylashgandi. Endi esa Madina yana duet kuylashini ma`lum qildi. Shu kunlarda duetlar urfga kirdimi yoki eng qulay usul shu bo`p qoldimi, har holda Ziyoda ham duetlarga suyanib qolgan. Endi esa unga munosub raqib topilganga o`xshaydi. Madina Mumtoz! 2010 yil kashfiyoti va yil yangiligi nominatsiyalariga ham munosib nomzod ekanligini hisobga olsak M&TVA AWARD taqdimot marosimida ham unga omad kulib boqsa ajab emas. Nima bo`lganda ham duetdoshi sir tutilayotgan ushbu duetga va Madina Mumtozga yana va yana omad tilaymiz. Faqat u bunday muvaffaqiyatlar qarshisida o`zini yo`qotib qo`ymasa bas!