"Qorako'z" - Muhabbat yoki... Maxsus tarona tayyor!

Alisher Uzoqov o'zining ilk taronasini (muhlislarga havola etilgan tarona nazarda tutilgan) "Tundan tonggacha" filmi uchun kuylagan edi. Qo'shiq muhlislar tomonidan sevib tinglandi. Bundan so'ng Alisher Uzoqov bir necha taronalarni muhlislarga taqdim etdi. Mana Alisherning navbatdagi taronasi "Qorako'z" filmi uchun kuylandi. Ovoz yozish ishlari kuni kecha "Aziya Records" ovoz yozish studiyasida bo'lib o'tdi. Maxsus qo'shiq so'zi Vazira Nig'monovaga, musiqasi esa Sherzod Yosinov (Lion Studio)ga tegishli. Ma'lumotlarga qaraganda Alisher Uzoqov ovoz yozish ishlarini a'lo darajada yakunlagan. Qo'shiq xali bizga taqdim etilganicha yo'q. Film premyerasi 9-oktabr kuni bo'lib o'tishiga qaramay, ijodiy jamoa ushbu soundtrek klipini suratga olishi va montaj ishlari bilan shug'ullanishi lozim. Xullas, ishlar bir talay. Ijodiy jamoaga omad tilab, premyerani kutib qolamiz.