|
Болливудда
кўп ритмлар ўйнаб туради! Гоҳ тепага, гоҳ пастга. Улардан ҳам
мухлислар, ҳам ижодкорларнинг ўзи учун энг қизиқарлиси, энг қиммат
гонорарлар! Ахир, йил мобайнида ўзгариб турадиган иш ҳақи режиссёр ва
продюсерларга жуда асқотади. Масалан, 2009 йилда Шохрух Хоннинг гонорари
Акшай Кумарникидан бир неча крорга (миллион рупий ўлчови) камайиб
кетиб, биринчиликни унга бўшатиб беришига тўғри келганди. Вазиятдан
фойдаланиб, Акшай мўмай даромад орттириб олишга муваффақ бўлди, бироқ,
биронта филми хит даражасига ета олмади! FY маълумотларига қараганда,
охирига етишга шошаётган ушбу йилнинг ҳозирги натижаси:
Шохрух
Хон, яъни "Болливуд қироли” яна биринчиликни қўлга киритди. У
Болливудда энг кўп гонорар тўланадиган актёр сифатида қайд этилди. Унинг
битта роли энди 5 крор рупийга баҳоланди. Ўтган йили бу кўрсаткич 3,5
крор рупий эди.
Ўтган
йили биринчилик гаштини сурган Акшай Кумар бу йили битта роли учун 4.5
крор рупий олади. Учинчи ўринда Амир Хон, тўртинчи ўринда Саиф Али Хон,
бешинчи ўринда Салмон Хон. Улар роллари даражасига қараб 4 крор рупий,
2.5 крор ва 2 крор рупий ҳақ олишади. Дарвоқе, юқоридаги мега-юлдузлар
қаторидан келажаги порлоқ ёшлардан, қизларнинг ёқимтойи Ранбир Капур ҳам
жой олди. Бугун у 2.5 крор рупийга рол ижро этади! Аёллар ўртасида
биринчилик Капурлар сулоласининг эркатойига насиб этди. Карина Капурнинг
гонорари анча ортган. Унинг битта роли учун ўтган йили 1 крор рупий
тўланган бўлса, бу йил 1.3 крор рупийдан бир рупий камига ҳам рози
бўлмайди.
Режиссёрлар ичида Санжай
Лила Бхансали ҳамда Вишал Бардваж ўз иши учун 50 лак рупий гонорар
сўрайдиган ижодкорлардир.
|
